तू आणि तुझे पुत्र मला बळजबरीनेसुद्धा तुझ्याच पायाशी ठेवोत ॥
हे क्षमाशील आदिमाते, माझ्या त्रिविध देहातील व जीवनातील प्रत्येक कणाला व क्षणाला तुझा आशीर्वाद असू दे ॥
माझ्या त्वचेचा प्रत्येक बिंदू तुझी प्रार्थना करू दे ॥ आणि त्या बिंदूला तू शुद्ध कर ॥
माझ्या मनाच्या प्रत्येक कोपर्याने तुझे नाम, गुण गाऊ दे ॥ आणि माझ्या मनाच्या प्रत्येक कोपर्याला तू स्वच्छ करीत रहा ॥
हे क्षमाशील आदिमाते, माझ्यासमोर सगळंच्या सगळं आणून ठेवू नकोस ॥ कारण मला वेगवेगळ्या गोष्टींमधून नेमकी उचित गोष्ट निवडता येत नाही ॥म्हणून श्रीचण्डिकाकुलालाच निवड करू दे ॥
हे क्षमाशील आदिमाते, माझ्या जीवनातील प्रत्येक गोष्ट तुम्ही आणि तुम्हीच निवडा ॥ निवड तुझ्या हातात आणि त्याचा प्रेमपूर्वक स्वीकार माझ्या हातात असू दे ॥ तुझ्या मनीचा संकल्प सद्गुरुंच्या शब्दांतून माझ्या कानात येऊ दे ॥ आणि आज्ञापालनाची बुद्धी माझ्या डोक्यात असू दे ॥
हे क्षमाशील आदिमाते, जे जे चांगले तू मला दिले आहेस, ते मला आठवू दे ॥
आणि हे क्षमाशील आदिमाते, माझी फक्त एक इच्छा पूर्ण कर,
मला तुम्हाला माझ्यामुळे आनंदित झालेले बघायचे आहे ॥
No comments:
Post a Comment